امریکی حکومت پاکستان میں موجود اپنے شہریوں کو واپس لے جانے کے لیے 2 خصوصی طیارے پاکستان بھیجے گی۔
ذرائع کے مطابق امریکا پاکستانی نژاد امریکی شہریوں کو واپس امریکا لے جانے کے لیے 2 خصوصی طیارے پاکستان بھیج رہا ہے جن کے آنے کے لیے ایوی ایشن حکام نے بھی اجازت دے دی ہے۔
ذرائع کا بتانا ہے کہ ایک امریکی خصوصی طیارہ کل صبح اسلام آباد پہنچے گا، جبکہ دوسرا امریکی طیارہ 12 اپریل کو اسلام آباد پہنچے گا۔
ذرائع کے مطابق اس صورتحال میں امریکی شہریوں کو دوسرے شہروں سے اسلام آباد آنے دینے کیلئے پولیس کو احکامات جاری کردیئے گئے ہیں۔