ترجمان پیٹرولیم ڈویژن نے ملک میں پیٹرول کی قلت سے متعلق خبروں کی تردید کرتے ہوئے کہا ہے کہ ملک میں پیٹرولیم مصنوعات کے کافی اسٹاکس موجود ہیں، عوام اضافی خریداری سے گریز کریں۔
ترجمان پیٹرولیم ڈویژن کے مطابق ملک کی طلب پوری کرنے کیلئے پیٹرول کا کافی اسٹاک موجود ہے، ملک میں 11 روز کے لیے پیٹرول کا 2 لاکھ 55 ہزار ٹن کا اسٹاک موجود ہے۔
ترجمان نے کہا کہ اس کے علاوہ کیماڑی میں 58 ہزار ٹن پیٹرول کا جہاز بھی لنگر انداز ہو چکا ہے اور مزید درآمد بھی ترتیب دی گئی ہے، تمام آئل مارکیٹنگ کمپنیوں کو تیل سپلائی بہتر بنانے کے لیے لاجسٹک موومنٹ تیز کرنے کی ہدایت کی گئی ہے۔