امریکی خلائی تحقیق کے ادارے ناسا نے کہا ہے کہ ایک بڑے سائز کا سیارچہ 6 جون کو زمین کے مدار سے گزرے گا۔
ناسا کی رپورٹ کے مطابق اس سیارچے کی لمبائی 570 میٹر اور چوڑائی 250 میٹر ہے۔
اس کا مطلب ہے کہ اس کا حجم نیویارک کی امپائر اسٹیٹ بلڈنگ سے بھی کہیں زیادہ ہے۔
ناسا کے ماہرین کے مطابق نظام شمسی میں معلق چٹان نما اس سیارچے کے زمین سے ٹکرانے کا کوئی امکان نہیں ہے۔
تاہم ان کا کہنا ہے کہ اس کی نقل و حرکت پر مکمل نظر رکھی جارہی ہے۔
اس وقت یہ سیارچہ 11 ہزار 200 میل فی گھنٹہ کی رفتار سے سفر کر رہا ہے اور اتوار کو پاکستانی وقت کے مطابق صبح 4 بج کر 20 منٹ پر زمین کے مدار سے گزرے گا۔