پی ٹی آئی کے رکنِ قومی اسمبلی ثناءاللّہ مستی خیل نے پارلیمنٹ ہاؤس میں کورونا ٹیسٹ نہ ہونے پر برہمی کا اظہار کرتے ہوئے کہا کہ بتایا گیا تھا کہ پارلیمنٹ ہاؤس میں ٹیسٹ ہو رہے ہیں لیکن یہاں پر ٹیم موجود نہیں۔
ثناءاللّہ مستی خیل نے کہا کہ قومی اسمبلی اور سینٹ کا اجلاس ہورہا ہے اور ان کے حالات یہ ہیں۔
اُنہوں نے کہا کہ میں وزیراعظم اور متعلقہ وزیر سےاحتجاج کرتے ہوئے ایکشن کا مطالبہ کرتا ہوں۔
پی ٹی آئی کے رکنِ قومی اسمبلی نے کہا کہ بتایا گیا جہاز آرہا ہے ڈاکٹرز ٹیم وہاں ٹیسٹ لینے کے لیے چلی گئی ہے۔
ثناءاللّہ مستی خیل نے کہا کہ پورے پاکستان کے ٹیسٹ کرنے کے لیے کیا یہ ایک ہی ٹیم ہے۔
اُنہوں نے کہا کہ ٹیم کو یہاں شام تک بیٹھنا چاہیے تھا، ممبران قومی اسمبلی تو اب آئیں گے۔
پی ٹی آئی کے رکنِ قومی اسمبلی نے کہا کہ بڑے افسوس کی بات ہے، اسپیکر اس بات کا ایکشن لیں۔
ثناءاللّہ مستی خیل نے مزید کہا کہ اس معاملے کو آج قومی اسمبلی کے فلور پر اٹھاؤں گا۔