اسٹار فٹبالر نیمار کیلئے 120ڈالر کورونا ویلفیئر پے منٹ!!

June 05, 2020

اسٹار برازیلین فٹبالر نیمار کو 120 ڈالرز کی کورونا ویلفیئر پے منٹ مل گئی، دنیا کے مہنگے ترین فٹبالرز میں شمار ہونے والے نیمار اس حکومتی امداد پر خود بھی حیران رہ گئے۔

کورونا وائرس کی وجہ سے دنیا بھر میں کم آمدنی والا طبقہ کافی متاثر ہوا ہے، برازیل بھی کووڈ 19 سے کافی متاثر ہے، حکومت نے عام افراد کو سہولیات دینے کےساتھ ساتھ 120 ڈالر کی اضافی امداد بھی دینے کا فیصلہ کیا جس سے کلینرز،کک اور لیبر وغیرہ مستفید ہورہے ہیں۔

اس امداد کو لے کر ایک دلچسپ خبر فٹبال کے میدان سے اس وقت آئی جب برازیل کے اسٹار فٹبالر نیمار کو 120 ڈالرز کیلئے امداد منظور کی گئی، برازیلین اسٹار کی تاریخ پیدائش اور شناختی کارڈ نمبر ان 600 رجسٹرڈ افراد میں شامل ہے جنہیں حکومت نے منظور کیا۔

نیمارجن کی سالانہ آمدنی 96 ملین ڈالرز کے قریب ہے اور تقریباً 222 ملین کی قیمتی ٹرانسفر منی ہے، اس امداد کے لئے کوالیفائی نہیں کرتے، نیمار کی انفارمیشن کیسے رجسٹر ہوئی اس پر تحقیقات کی جارہی ہیں، تاہم نیمارکے اسٹاف کی جانب سے اس بارے میں کوئی باضابطہ بیان سامنے نہیں آیا۔