امریکی پولیس کی جانب سے قتل کیے گئے سیاہ فام شہری جارج فلائیڈ کے ساتھ اظہار یکجہتی کے لیے امریکا کے مشہور اداکار بریٹ پٹ Brad Pitt بھی میدان میں آ گئے۔
غیر ملکی میڈیا کے مطابق گزشتہ اتوار امریکی آسکر ایوارڈ یافتہ ہیرو بریڈ پٹ نے بھی جارج فلائیڈ کے قتل کے خلاف آواز اٹھاتے ہوئے نسل پرستی کے خلاف نکالی گئی ایک ریلی میں شرکت کی ، اس دوران بریڈ پٹ نے جارج فلائیڈ کے نام کی ہوڈی پہن رکھی تھی اور ریلی کے ساتھ اپنی موٹر بائیک پر سفر کر رہے تھے۔
میڈیا کے مطابق لاس اینجلس کی سڑکوں پر نکالی گئی اس ریلی میں 50 ہزار افراد نے شرکت کی تھی ۔
اس سے قبل کینیڈا کے وزیر اعظم جسٹن ٹروڈو نے بھی نسل پرستی کے خلاف ریلی میں شرکت کی تھی۔
واضح رہے کہ امریکی ریاست مینی سوٹا میں ایک سفید فام امریکی پولیس اہلکار سیاہ فام شخص کی گردن پر گھٹنا رکھ کر بیٹھ گیا تھا جس کے باعث اس کی موت واقع ہوگئی تھی۔