اپوزیشن لیڈر شہباز شریف نے بھارتیوں کو مقبوضہ کشمیر کا ڈومیسائل دینے کے نریندر مودی حکومت کے اقدام کا نوٹس لینے کا مطالبہ کردیا ۔
قائد حزب اختلاف نے عالمی برادری سے مقبوضہ کشمیر میں مسلمانوں کو اقلیت میں بدلنے کی بھارتی سازش کا نوٹس لینے کا بھی مطالبہ کیا ۔
شہباز شریف نے کہاکہ اقوام متحدہ اور بین الاقوامی برادری مقبوضہ کشمیر میں ہزاروں بھارتیوں کو ڈومیسائل دینے کا نوٹس لے۔
ان کا کہنا تھاکہ بھارت کا یہ غیر قانونی اقدام مقبوضہ کشمیر میں مسلمانوں کو اقلیت میں تبدیل کرنے کی سازش ہے۔