ویانا(اکرم باجوہ)آسٹریا میں کورونا وبا کے جو حالات مارچ میں تھے،صورتحال دوبارہ اسی طرف جا رہی ہے۔ پچھلے دنوں سے آسٹریا میں کورونا سے متاثرہ افراد کی تعداد میں ڈرامائی اضافہ ہوا ہے۔وزارت صحت آسٹریا کے مطابق تقریبا چار ماہ بعد کورونا کی صورتحال بالکل مختلف ہے۔ ملک میں روزانہ 100 سے زیادہ کیسز ہو رہے ہیں ، بہت سے لوگ پوچھ رہے ہیں کہ وفاقی حکومت کا اب کیا رد عمل ہوگا اور کیا نئے اقدامات میں خارجی پابندیوں کی بھی توقع کی جاسکتی ہے۔میڈیانے وزارت صحت کے ترجمان سے جاننا چاہا تھا کہ ملک میں موجودہ کورونا صورتحال کا اندازہ کیسے کیا جاتا ہے۔ وزارت کے ترجمان نے کہا ، اس وقت علاقائی سطح پر وبا پھیل رہی ہے اور یہ ملک گیر سطح پر نہیں جائے گی۔لہذا متعلقہ لوگوں کو جلدی سے الگ تھلگ کیا جاسکتا ہے، ہم واقعات کے بارے میں فکرمند ہیں۔اس سوال پر کہ آسٹریا میں کتنے متاثرہ افراد کے باعث دوسرے لاک ڈاؤن کی توقع کرنی ہے؟ ترجمان نے کہا ،اس کا وسیع پیمانے پر تعین نہیں کیا جاسکتا، فی الحال یہ حالات پر منحصر ہے ، لہذا کوئی عام پابندی عائد کرنے کی ضرورت نہیں ہے،چار وفاقی ریاستوں میں کسی بھی نئے انفیکشن کی اطلاع نہیں ملی،موجودہ صورتحال پروزیر صحت روڈولف آنسکوبر نے وضاحت کرتے ہوئے کہا کہ صورتحال ابھی بھی اسی طرح برقرار ہے جیسے نئے ابتدائی مراحل کے ساتھ تھی۔ علاقائی پھیلاؤ کا واضح طور پر تجزیہ کیا جاسکتا ہے کہ اسباب کہاں ہیں اور یہ پھیلاؤ کس طرح ہوتا ہے۔ اب تک ہمارے پاس اس کی اصلیت اور پس منظر کے بارے میں کوئی وضاحت نہیں ہے۔ آسٹریا میں ایک اور لاک ڈاؤن کی فی الحال توقع نہیں کی جاسکتی ہے، وزارت داخلہ پہلے ہی اعلان کرچکی ہے کہ پولیس اب ان کورونا اقدامات کی نگرانی کرے گی جو اب بھی نافذ ہیں جیسے پبلک ٹرانسپورٹ میں ماسک کی ضرورت اور کم سے کم فاصلے پر عمل درآمد ہے۔