کراچی میں غیر اعلانیہ لوڈشیڈنگ کے معاملے پر نیپرا کی جانب سے کھلی کچہری کا انعقاد کیا جائے گا۔
غیر اعلانیہ لوڈشیڈنگ اور بجلی کی بندش کے معاملے پر سماعت کے لئے نیپرا نے کھلی کچہری کرنے کا اعلان کیا ہے، نیپرا اعلامئیے کے مطابق جمعہ کو کھلی کچہری منعقد کی جائے گی۔
کورونا وائرس کے سبب کچہری میں شرکت کرنے والے زوم لنک پر آسکتے ہیں اور نیپرا کی ویب سائٹ پر دئیے گئے نمبر پر کال کر کے سماعت میں شرکت کی جاسکتی ہے۔
عوام نیپرا کے دئیے گئے ای میل ایڈریس پر بھی لوڈشیڈنگ سے متعلق اپنی شکایات درج کروا سکتے ہیں۔