سلیکٹڈ حکومت ہر محاذ پر بے نقاب ہوگئی، بلاول بھٹو

July 10, 2020

پاکستان پیپلز پارٹی کے چیئرمین بلاول بھٹو زرداری نے کہا ہے کہ ان کے والد آصف علی زرداری اور انہوں نے جمیت علماء اسلام کے سربراہ مولانا فضل الرحمان کا آج بلاول ہاؤس میں خیرمقدم کیا۔

وفاقی حکومت کی کارکردگی پر بلاول بھٹو کا کہنا ہے کہ سلیکٹڈ حکومت کورونا وائرس کی وبا کے دوران ہر محاذ پر بے نقاب ہوگئی ہے۔

بلاول بھٹو زرداری نے اپنے ایک ٹوئٹ میں مزید کہا کہ جے یو آئی اور پیپلز پارٹی نے ماضی میں بھی اکٹھے کام کیا ہے اور ہم جمہوریت، آئین، این ایف سی اور معیشت کو درپیش چیلنجز سے نمٹنے ایسا یقینی طور پر پھر کریں گے۔

چیئرمین پیپلز پارٹی نے مزید کہا کہ سلیکٹڈ حکومت کورونا وائرس کی وبا کے دوران ہر محاذ پر بے نقاب ہوگئی ہے۔