اٹلی کے چڑیا گھر میں ننھے شیروں کو پہلی بار عوام کے سامنے پیش کردیا گیا ہے جنہیں دیکھنے کے لیے لوگوں کی بڑی تعداد چڑیا گھر کا رُخ کر رہی ہے۔
اٹلی کے دارالحکومت روم کا چڑیا گھرکورونا لاک ڈاؤن کے بعد کھول دیا گیا ہے جس کے بعد وہاں موجود دس ہفتوں کے ننھے شیروں کو عوام کے سامنے پیش کردیا گیا۔
ننھے شیروں کی شرارتوں نے جہاں چڑیا گھر کی رونقوں میں اضافہ کردیا ہے وہیں انتظامیہ کی جانب سے اُن کی خوب آؤ بھگت کی جارہی ہے اور خاص خیال رکھا جا رہا ہے۔
چھوٹے چھوٹے قدم اُٹھاتے شرارتیں کرتے ننھے شیر عوام کی توجہ کے مرکز بنے ہوئے ہیں جنہیں دیکھ کر لوگ نہ صرف خوش اور رہے ہیں بلکہ تصاویر اور ویڈیوز بھی بنا رہے ہیں۔