لاہور(آئی این پی)وفاق نے پنجاب کے حصے پر 168 ارب کا کٹ لگادیا،صوبائی حکومت کی مالی مشکلات بڑھ گئیں،ترقیاتی پروگرام مزید سکڑ نے کا خدشہ،پورا سال شدید مالی بحران کا سامنا رہیگا۔تفصیلات کے مطابق نئے مالی سال دوہزار بیس اکیس میں کوروناوبا سے ملک بھر میں پیدا ہونے والے بحران کے باعث صوبوں کے مالیاتی شیئرکم کردیئے گئے ہیں‘ذرائع کے مطابق ایف بی آر ٹارگٹ میں کمی کے بعد صوبائی شیئرمیں کمی گئی،حکام کا کہنا ہے کہ صوبائی شیئر کم ہونے سے ترقیاتی منصوبوں پر فنڈز کا اجرا متاثر ہوگا،جبکہ صوبائی اخراجات اور انتظامی امور کے لیے وفاق نے صوبے کے قرض لینے کی شرح میں اضافہ بھی کیا ہے۔