تاجر کو 20 لاکھ روپے کا جعلی چیک دینے پر ٹی وی کمپیئر اور اداکارہ عائشہ ثناء کے خلاف ایک اور مقدمہ درج کر لیا گیا۔
پولیس کے مطابق تھانہ سرائے عالمگیر گجرات میں عائشہ ثناء کے خلاف مقدمہ تاجر علی معین کی جانب سے درج کرایا گیا۔
یاد رہے کہ عائشہ ثنا کے خلاف لاہور کے تھانہ ڈیفنس میں بھی اس معاملے پر ایک مقدمہ درج ہو چکا ہے۔
پولیس کا کہنا ہے کہ عائشہ ثناء کو تاحال گرفتار نہیں کیا جاسکا، اداکارہ کی گرفتاری کے لیے لاہور اور اسلام آباد میں کئی مقامات پر پولیس نے چھاپے مارے ہیں۔