خانیوال: خاتون کے اغوا کے الزام میں دو ملزمان گرفتار

July 15, 2020

خانیوال کی تحصیل کبیروالا میں خاتون کے اغوا کے الزام میں مرکزی ملزم سمیت دو ملزمان کو گرفتار کرلیا گیا۔ ملزمان کو آج عدالت میں پیش کیا جائے گا۔

تحصیل اسپتال کبیروالا کے سامنے سے 8 جولائی کو خاتون کو اغوا کرنے والے محمد علی سمیت دو ملزمان کو گرفتار کیا گیا۔ مغوی خاتون کو پولیس نے ملتان سے بازیاب کرالیا تھا۔ خاتون نے کچھ دن پہلے پسند کی شادی کی تھی۔

پولیس کا کہنا ہے کہ خاتون کے شوہر نے الزام عائد کیا تھا کہ محمد علی نے اسکی بیوی کے ساتھ زیادتی بھی کی تھی۔ متاثرہ خاتون اور مرکزی ملزم کا میڈیکل کرایا گیا ہے۔ رپورٹ آنے پر مزید کارروائی کی جائے گی۔