لاہور(مانیٹرنگ ڈیسک) پولیس نے اداکارہ و کمپیئر عائشہ ثناء کے خلاف ایک اور مقدمہ درج کر لیا۔پولیس کے مطابق عائشہ ثناء کے خلاف 20 لاکھ روپے کا چیک ڈس آنر ہونے پر تاجر علی معین کی مدعیت میں مقدمہ درج کیا گیا۔پولیس نے بتایا کہ اداکارہ پر مقدمہ تھانہ سرائے عالمگیر گجرات میں درج کروایا گیا ہے۔خیال رہے کہ عائشہ ثناء کے خلاف تھانہ ڈیفنس لاہور میں بھی پہلے مقدمہ درج ہوچکا ہے اور لاہور کی مقامی عدالت کی جانب عائشہ ثناء کے وارنٹ گرفتاری بھی جاری کیے گئے تھے۔