ملتان (سٹاف رپورٹر)سرائیکستان صوبہ محاذ کی طرف سے ڈیرہ اڈا چوک پر مظاہرہ کیا گیا ،احتجاجی مظاہرے میں شریف خان لشاری، حاجی اعظم سومرو شاہجمالی، زبیر دھریجہ ، محمد طارق خان نیازی ، عاشق محمد لانگ ، صداقت علی خان ٹانوری ، حاجی محمد سلیم درگھ ، ذوہیب علی ڈاونج ، محمد مبین بھٹی، حاجی محمد رشید اور دیگر شریک تھے ۔ اس موقع پر خطاب کرتے ہوئے رہنماؤں کا کہنا تھاکہ وسیب کے زبردست دباؤ کے نتیجے میں صوبائی وزیر اور وزراء کو سول سیکرٹریٹ اور صوبے کے لئے پریس کانفرنس یاد آ گئی ہے۔ انہوں نے کہا کہ وسیب کو برباد کرنے کے ذمہ دار یہی لوگ ہیں ۔انہوں نے کہا کہ صوبے کیلئے وسیب کا ہر فرد متحد ہے ، حکمرانوں کو بلا تاخیر اپنے وعدے کے مطابق صوبے کا اعلان کرنا چاہئے ، سرائیکی صوبے کے اعلان اور ملتان میں صوبائی سیکرٹریٹ کے قیام تک احتجاج جاری رہے گا ۔