پاکستان نے انگلینڈ کے خلاف دوسرے ٹیسٹ کے لیے مانچسٹر ٹیسٹ کے ہی 16 رکنی اسکواڈ کو برقرار رکھنے کا اعلان کردیا۔
اسکواڈ میں اظہر علی، بابرِ اعظم، عابد علی، اسد شفیق، فواد عالم اور امام الحق شامل ہیں۔
کاشف بھٹی، محمد عباس، محمد رضوان، نسیم شاہ اور سرفراز احمد بھی اسکواڈ کا حصہ ہیں۔
شاداب خان، شاہین آفریدی، شان مسعود، سہیل خان اور یاسر شاہ بھی 16 رکنی اسکواڈ میں شامل ہیں۔
واضح رہے کہ مانچسٹر میں پہلے ٹیسٹ میں انگلینڈ نے پاکستان کو 3 وکٹوں سے شکست دی تھی۔
پاکستان اور انگلینڈ کے درمیان دوسرا ٹیسٹ میچ کل سے ساؤتھمپٹن میں شروع ہوگا۔