امریکی نوجوان کی جانب سے پیانو بجاتے ہوئے ریوبک کیوب حل کرنے کا شاندار مظاہرہ کیا گیا جس کی ویڈیوانٹرنیٹ پر وائرل ہو گئی ہے۔
آپ نے اکثر افراد کو ریوبک کیوب حل کرتے دیکھا ہی ہوگا لیکن جناب میوزک پرفارمنس کے ساتھ ریوبک کیوب حل کرنے کی مہارت شاید ہی آپ نے کبھی دیکھی ہو۔
امریکی ریاست ٹینیسی سے تعلق رکھنے والے 18سالہ Jimmy Liuکی ٹک ٹاک پر شیئر کی گئی یہ ویڈیو خوب وائرل ہو رہی ہے جسے اب تک لاکھوں افراد دیکھ چکے ہیں۔
ویڈیو میں نظر آنے والا نوجوان ایک ہاتھ سے پیانو پر موسیقی کی خوبصورت دھنیں پیش کرنے کے ساتھ ساتھ دوسرے ہاتھ سے ریوبک کیوب حل کرنے کا شاندار مظاہرہ کر رہا ہے۔