سندھ کے سابق گورنر ڈاکٹر عشرت العباد خان نے کہا ہے کہ پاکستان نے ہمیں شناخت دی اور یہ ملک ہم نے بے پناہ قربانیوں کے بعد حاصل کیا۔
پاکستان کے 74ویں یوم آزادی پر پیغام میں سابق گورنر سندھ نے کہا کہ خوبصورت وطن عطا کرنے پر ہم اللّٰہ تعالیٰ کا شکر ادا کرتے ہیں۔
انہوں نے کہا کہ آیئے آج ہم عہد کریں کہ ہم پاکستان کو اس اعلیٰ مقام پر پہنچائیں گے جو بابائے قوم قائد اعظم محمد علی جناح کے تصور کے مطابق ہو۔
عشرت العباد نے مزید کہا کہ آئیں قومی مفاد اور مستقبل میں امن، خوشحالی اور ترقی کو یقینی بنانے کی حکمت عملی کے مطابق معاف کرنے، بھول جانے اور آگے بڑھنے کا عہد کریں۔