پنجاب کی پارکس اینڈ ہارٹی کلچر اتھارٹی کی طرف سے یوم آزادی کے موقع پر خصوصی سجاوٹ کا اہتمام کیا گیا ہے۔
صوبائی دارلحکومت لاہور، گوجرانوالہ، راولپنڈی، سرگودھا، فیصل آباد، ملتان، ساہیوال، بہاولپور اور ڈی جی خان کو سبز اور سفید چھتریوں سے سجادیا گیا۔
پی ایچ اے نے اپنے متعلقہ شہروں کی اہم شاہراہوں اور پارکوں میں سبز ہلالی پرچم کی چھتریاں نصب کی ہیں۔
صوبائی سیکریٹری ندیم محبوب کے مطابق پاکستانی پرچم، روشنیاں، جھنڈیاں، یہ سب تیاریاں ہمارے جذبہ جشن آزادی کی عکاس ہیں۔