وزیراعظم کے معاون خصوصی ذلفی بخاری کا کہنا ہے کہ اوورسیز پاکستانیوں کی آسانی کے لیے قوانین بنا رہے ہیں۔
وزیراعظم عمران خان کے معاون خصوصی ذلفی بخاری نے اپنے ایک بیان میں کہا کہ سمندر پار پاکستانیوں کو مزید سہولتیں فراہم کریں گے، جب اوورسیز پاکستانی وطن آئیں گے تو آسانی سے چھٹیاں گزار سکیں گے۔
ذلفی بخاری نے کہا کہ اوورسیز پاکستانیوں کے زمین کے تنازعات کے لیے خصوصی اقدامات کر رہے ہیں۔وزیراعظم عمران خان نے کہا ہے کہ سمندر پار پاکستانیوں کے مسائل کو حل کیا جائے۔
انہوں نے مزید کہا کہ 2 ہفتوں میں اوورسیز پاکستانیوں کے مسائل کے حل کے لیے قوانین سازی پر کام کرلیں گے۔
ذلفی بخاری نے کہا کہ کامن ویلتھ کے ممالک کے ساتھ دوہری شہریت پر اشتراک کی کوشش کر رہے ہیں، جو ممالک دہری شہریت رکھنےکی اجازت دیں گے ان کےساتھ تعاون کیلئے دفتر خارجہ کی مدد لیں گے، دوہری شہریت رکھنے کی اجازت سے متعلق ابھی مشاورت اور کام جاری ہے۔