بیس بال فیڈریشن آف ایشیا نے دو ٹورنامنٹس ملتوی کردیئے

September 18, 2020

بیس بال فیڈریشن آف ایشیا نے کورونا وائرس کے باعث رواں سال ہونے والے دو ٹورنامنٹس ملتوی کر دیئے۔

بیس بال فیڈریشن آف ایشیا نے ایشین انڈر 12 بیس بال چیمپئین شپ اگلے برس مارچ تک ملتوی کر دی۔ چیمپئین شپ نومبر میں چائنیز تائپے میں ہونا تھی۔

ایونٹ میں ٹیموں کے موجودہ کھلاڑی شرکت کے اہل ہوں گے۔ اس کے علاوہ انڈر 18 ایشین بیس بال چیمپئین شپ بھی ملتوی کر دی گئی ہے جو 20 سے 26 دسمبر تک چائنیز تائپے میں ہونا تھی، نئی تاریخوں کا اعلان بعد میں کیا جائے گا۔

پاکستان بیس فیڈریشن کے صدر سید فخر شاہ کا کہنا ہے کہ اگلے سال ایشین فیڈریشن نے چار ایونٹ کروانے ہیں کوشش ہے کہ ویسٹ ایشیا کپ کی میزبانی کی پیشکش کریں۔