NFL میں ٹھیک سے ماسک نہ پہننے والے کھلاڑیوں ، کوچز پر بھاری جرمانے

September 23, 2020


نیشنل فٹ بال لیگ (این ایف ایل) میں ماسک کو صحیح طریقے سے نہ پہننے پر فیڈریشن نے کھلاڑیوں اور کوچز پر بھاری جرمانے لگا دیئے۔

این ایف ایل کا کہنا ہے کہ کھیل کے دوران ماسک کو ٹھیک طریقے سے نہ پہننے پر 5 ٹیموں پر 2 لاکھ 50ہزارڈالرجرمانہ کیا ہے ، جبکہ ہیڈ کوچز پر اضافی ایک لاکھ ڈالر جرمانہ عائد کیا گیا ہے۔

این ایف ایل کے مطابق بنچ ایریا میں بیٹھنے والے تمام کوچز، اسٹاف اور سائیڈ لائن پر موجود تمام کھلاڑیوں کو کھیل کے دوران ماسک پہن کر بیٹھنا لازم ہے ۔

واضح رہے کہ نیشنل فٹ بال لیگ کووڈ سے بچاؤ کی تمام احتیاطی تدابیر کے ساتھ اس ماہ شروع ہوگئی ہے۔