پاکستان شوبز انڈسٹری کی سینئر اداکارہ بشری انصاری نےٹی وی اینکر اور فنکار ضیا محی الدین کو پاکستان کا حقیقی لیجنڈ قرار دیا ہے۔
سوشل میڈیا سائٹ انسٹاگرام پر ضیا محی الدین کے ہمراہ لی گئی تصویر شیئر کرتے ہوئے لکھا کہ یہ ہماری انڈسٹری کے بہترین استاد ہیں اور پاکستان کے حقیقی لیجنڈ ہیں۔
بشریٰ انصاری نے لکھا کہ ضیا محی الدین ہماری انڈسٹری کا قیمیتی اثاثہ ہیں جو اس بات سے بخوبی آگاہ ہیں کہ انہیں کب اور کیسے برتاؤ کرنا ہے۔
خیال رہے کہ بشریٰ انصاری اور ضیا محی الدین دونوں ہی پاکستان شوبز انڈسٹری کا ایک جانا پہچانا نام ہیں، ضیا محی الدین پاکستان کے بڑے مشہور اداکار و صدا کار ہیں۔