باجوڑ میں ڈسٹرکٹ بار ایسوی ایشن کی تقریب حلف برداری میں محسن داوڑ کو مدعو کرنے پر ہنگامہ آرائی ہوگئی، مخالفین نے ایک دوسرے پر مکے اور گھونسوں کے وار کیے، جبکہ تقریب میں کرسیاں بھی ایک دوسرے پر ماری گئیں۔
باجوڑ بار ایسوی ایشن کی جانب سے نومنتخب صدر زاہدخان اور جنرل سیکریٹری نصیرخان کی تقریب حلف برداری منعقد کی گئی تھی۔
تقریب کے مہمان خصوصی محسن داوڑ ابھی اسٹیج پر آئے ہی تھے کہ مخالف وکلاء برہم ہوگئے اور ایک دوسرے پر مکوں اور لاتوں سے حملے شروع کردیئے۔
مشتعل شرکاء نے ایک دوسرے پر کرسیاں بھی دے ماریں۔