وزیر ٹرانسپورٹ پنجاب جہانزیب کچھی نے کہا کہ 26 اکتوبر کو عوام اورنج لائن ٹرین پر سفر کرسکیں گے۔
جہانزیب کچھی نے لاہور میں پریس کانفرنس کرتے ہوئے کہا کہ اورنج لائن ٹرین چلنے سے عوام کو بہترین سفری سہولتیں ملیں گی جبکہ اورنج لائن ٹرین کا 25 اکتوبر کو افتتاح کردیا جائے گا۔
واضح رہے کہ اورنج لائن میٹرو ٹرین منصوبے کا سول، مکینکل اور الیکٹریکل کام مکمل ہوگیا، ایل ڈی اے نے اورنج لائن ٹرین منصوبے کا تکمیلی سرٹیفکیٹ جاری کر دیا ہے۔