’’ایلوویرا فیشل‘‘ چہرے کی جلد کو کرے نکھرا نکھرا

November 13, 2020

چہرے کو تر وتازہ رکھنے کے لیےہر ماہ فیشل ضرور کریں۔ اس ہفتے ہم آپ کو ایلوویرا فیشل کے بارے میں بتا رہے ہیں ۔ یہ فیشل ہر قسم کی جلد کے لیے موزوں ہے۔ ایک ایلو ویرا کا بڑاور چوڑا ٹکڑا لیں اور اس کے چارٹکڑے کرلیں، اگر آپ کے پاس ایلو ویرا کا پودا نہیں ہے تو آپ بازار میں جو ایلوویرا جیل ملتا ہے وہ بھی لے سکتی ہیں۔ یہ فیشل چہرے پر موجود تمام داغ دھبےبھی ہٹا دے گا۔ یہ فیشل چار اسٹیپس پر مشتمل ہے۔ اس لیے ایک ایک ٹکڑا ایک اسٹیپس میں استعمال ہوگا۔

کلینزنگ

دوسے تین کھانے کے چمچے ٹھنڈا دودھ لیں۔ ایک ٹکڑے کو دودھ میں بھگو لیں اور اس سے پورےچہرے پر آہستہ آہستہ تین سے چار منٹ تک مساج کریں ۔تھوڑی تھوڑی دیر بعد ایلوویرا کو دودھ میں بھگوتی رہیں ۔اس سے چہرے پر موجود تمام داغ دھبے بھی ہٹ جائیں گے ۔کلینزنگ مکمل کرنے کے بعد گیلی تولیہ سے چہرے کو اچھا طرح صاف کرلیں یا پانی سے دھولیں ۔

اسکربنگ

دو سے تین چائے کےچمچےکافی ایک چائے کا چمچہ چینی اور آدھا لیموں شامل کرکے پھینٹ لیں۔ لیموں سے الرجی ہے تو اس کی جگہ شہد ملا لیں ۔ ایلو ویرا کا دوسرا ٹکڑا اس مکسچر میں ڈبوکر لگائیں اور چہرے کی اسکربنگ کریں ۔اس سے چہرے کی مردہ جلد اُتر جائے گی اورپورزبھی سکڑجائیں گے ۔اسکربنگ تین سے چار منٹ تک کریں ۔ بیلیک اور وائٹ ہیڈز ختم ہوکر جلد بھی نکھرجائے گی ۔یاد رکھیں کہ اسکربنگ ہلکے ہلکے ہاتھوں سے کریں ۔یہ کرنے کے بعد سادے پانی سے چہرہ دھولیں ۔

مساج

مساج کریم بنانے کے لیے ایلوویرا کے تیسرے ٹکڑے میں سے جیل نکالیں ،پھر اس میں آدھا چائے کا چمچہ شہد اور ایک چائے کا چمچہ بادام کا تیل شامل کرلیں ۔اگر آپ کے پاس بادام کا تیل نہیں ہے تو زیتون ، ناریل یا وٹامن ای کا تیل بھی استعمال کرسکتی ہیں ۔ اس آمیزے کو اچھی طر ح یک جا کرلیں ۔اب اس سے چہرے کا مساج کریں ۔ اچھی طر ح پورے چہرے پر لگالیں اور سرکلر موشن میں چہرے کا مساج کریں ۔آنکھوں کا ،ماتھے کا اور ٹی وزن کا نرم ہاتھوں سے مساج کریں ۔

فیس پیک

ایلوویرکے چوتھے ٹکڑے کاا جیل نکاکر اس میں ایک چائے کا چمچہ بیسن اور ایک چائے کا چمچہ اورنج پیل پائوڈر (سنگترے کے چھلکوںکا پائوڈر) لیں ،اسے آپ گھر میں بھی چھلکے پیس کر بنا سکتی ہیں ۔پھر اس میں ایک چائے کا چمچہ دہی شامل کرکے اچھی طر ح یک جاکرکے پندرہ منٹ کے لیے یہ پیک چہرے پر لگا لیں جب یہ ہلکا ہلکا خشک ہونے لگے تو ہاتھ گیلے کرکے ہلکے ہاتھوں سے مساج کریں،بعد ازاں سادہ پانی سے دھولیں ۔ یاد رکھیں کہ یہ پیک ململ خشک نہیں ہو ۔ فیشل کے بعد دیکھے گا آپ کا چہرہ کیسے تر وتازہ اور نکھر انکھرا لگے گا۔