لاہور (وقائع نگار خصوصی)صوبائی وزیرقانون راجہ بشارت سے سکولز ایسوسی ایشن پاکستان کے وفد کی ملاقات ، وفد کی قیادت صدر میاں رضاء الرحمن نے کی۔ ملاقات میں نجی تعلیمی اداروں کو درپیش مسائل و مشکلات پرگفتگو کی گئی۔ وفد نے راجہ بشارت کو نجی تعلیمی اداروں کو درپیش مسائل و مشکلات سے آگاہ کیا۔وزیرقانون نے تعلیمی اداروں کو درپیش مسائل فوری حل کروانےکی یقین دہانی کروائی۔ راجہ بشارت کا کہنا تھا کہ فروغ تعلیم حکومت کا ویژن ہے ، پرائیویٹ سیکٹر کی فروغ تعلیم کے لئےخدمات قابل تحسین ہیں۔انھوں نے کہا کہ پرائیویٹ سکول ریگولیٹر ی اتھارٹی ایکٹ 2020 قانون سازی سے پہلے نجی سکولز کو اعتماد میں لیا جائے،کورونا سے تعلیمی اداروں کودرپیش مشکلات کا مکمل ادراک ہے۔