ملتان سنٹرل جیل میں نظر بند پی ڈی ایم کے 46 کارکنان کو سنٹرل جیل سے رہا کردیا گیا ہے۔
پولیس کے مطابق ڈپٹی کمشنر ملتان نے دو روز قبل 46 سیاسی رہنماؤں اور کارکنوں کو ایم پی او کے تحت تیس دن کے لیے نظر بند کیا تھا۔
آج ڈپٹی کمشنر نے ان کی نظر بندی کے احکامات واپس لے لیے جس پر ان رہنماؤں اور کارکنوں کو سنٹرل جیل سے رہا کر دیا گیا۔
کارکنان کی رہائی کے موقع پر پارٹی کے دیگر کارکنان نے سنٹرل جیل کے باہر ان کا اسقتبال کیا۔
اس موقع پر سینئر سیاست دان مخدوم جاوید ہاشمی کا کہنا تھا کہ گزشتہ روز کا جلسہ کامیاب رہا، لاہور اور اسلام آباد کا جلسہ بھی کامیاب کروائیں گے، کارکنان کی گرفتاریاں ہوئیں مگر کوئی گھبرایا نہیں۔
ان کا کہنا تھا کہ وہ پنجاب حکومت کے مشکور ہیں جنہوں نے ایک دن کا جلسہ سات دن کا کر دیا۔