صدر مملکت عارف علوی کا کہنا ہے کہ قائد اعظم اقلیتوں کے حقوق کے حامی تھے اور ان کے حقوق کی حفاظت کی ضمانت دی۔
صدر مملکت عارف علوی نے بابائے قوم قائد اعظم محمد علی جناح کی سالگرہ پر اپنے پیغام میں کہا کہ قائد اعظم کو برصغیر کے مسلمانوں کے لیے الگ وطن کے قیام میں کردار پر زبردست خراج تحسین پیش کرتے ہیں۔
انہوں نے کہا کہ ہم پاکستان کو ایک مضبوط اور خوشحال ملک بنانے کے لیے ان کے نظریات پر عمل پیرا ہونے کاعہد کرتے ہیں، قائد اعظم محمد علی جناح نے دو قومی نظریہ پیش کیا۔
صدر عارف علوی نے مزید کہا کہ کورونا وائرس کی دوسری وباء پر قابو پانے کے لیے ہمیں دوبارہ نظم و ضبط کی ضرورت ہے۔