پی آئی اے کی کوالمپور میں روکے جانے والی پرواز کے مسافر متبادل پرواز کے ذریعے آج شام اسلام آباد پہنچیں گے۔
ترجمان پی آئی اے کے مطابق 118 مسافر براستہ دبئی پرواز ای کے 614 کے ذریعے رات 11 بجے اسلام آباد پہنچیں گے، جبکہ 54 مسافر براستہ دوحہ پرواز کیو آر 632 سے کل صبح 1 بج کر 40 منٹ پر اسلام اباد پہنچیں گے۔
پی آئی اے کا زمینی عملہ دبئی اور دوحہ میں مسافروں کی دیکھ بھال میں مصروف ہے۔
ترجمان پی آئی اے کے مطابق مسافروں کو صبح کا ناشتہ پیش کیا گیا اور ان کی تمام ضروریات اور آرام کا خیال رکھا جا رہا ہے۔