لندن (پی اے) سر ایڈ ڈیوی نے کہا ہے کہ لبرل ڈیموکریٹس ایسی جماعت نہیں جو یورپی یونین میں دوبارہ شامل ہونے کی خواہش مند ہو۔لب ڈیم رہنما نے کہا کہ ان کی جماعت یورپ کی بہت ہی حامیاوربریگزٹ کے بعد یورپی یونین کے ساتھ قریب ترین ممکنہ تعلقات دیکھنا چاہتی ہے ۔سر ایڈ نے مزید کہا کہ انھیں یقین ہے کہ آزادانہ نقل و حرکت کا خاتمہ ’’ تنگ نظری ‘‘ ہے اور اس کی دوبارہ شناخت کے معاملے کو یورپی یونین کے ساتھ دوبارہ زیر غور لانا چاہئے۔ سر ایڈ نے ان خیالات کا اظہار پچھلے ہفتے کیا جب لیبر رہنما سر کیئر اسٹارمر نے تصدیق کی کہ وہ آزادانہ نقل و حرکت کی بحالی کے لئے مہم نہیں چلائیں گے کیونکہ اس کے لئے بریگزٹ معاہدے پر وسیع پیمانے پر مذاکرات کی ضرورت ہوگی۔ بی بی سی کے اینڈریو مر شو میں بات کرتے ہوئے سر ایڈ نے کہا کہ ہم دوبارہ شامل ہونے والی پارٹی نہیں ہیں مگر ہم بہت ہی یورپین نواز پارٹی ہیں۔ہمیں یقین ہے کہ یہ برطانوی عوا م کی ملازمتوں ، چھوٹے بزنسز ، برآمدات ، سکاٹش ماہی گیروں ، اپنی سلامتی اور اپنی پولیس خدمات کے مفاد میں ہے۔ انہوں نے کہا کہ ہمارے یورپی شراکت داروں کے ساتھ قریب ترین رشتہ ہے ، اور ہم اگلے چند مہینوں اور سالوں میں بحث کریں گے کہ برطانیہ کو کہیں زیادہ یورپی حامی پوزیشن حاصل کرنے کی ضرورت ہے۔ جب ان سے زور دے کر یہ سوال کیا گیاکہ آیا آزادانہ نقل و حمل کے معاملے کو یورپی یونین کے ساتھ دوبارہ اٹھانا چاہئے توسر ایڈ نے کہا کہ ہاں میرا خیال ہے کہ ہمیں ایسا کرنا چاہئے۔ برطانوی عوام کے لئے آزادانہ نقل و حرکت ایک بہت بڑی آزادی ہے۔برطانوی لوگ یوروپی یونین میں کام کرتے ہیں ، وہ سفر کرتے ہیں ، زندگی گزارتے ہیں ، اور وہ پورے خاندان کو یورپی یونین میں پالتے ہیں۔ "یہ ہمارے نوجوانوں کے لئے بہت بڑی آزادی ہے۔میرے خیال میں آزادانہ نقل و حرکت ختم کرنے کا ایک دکھ یہ ہے کہ یہ بہت تنگ نظری ہے یہ فیصلہ ہمارے تمام برطانوی لوگوں سے اس آزادی کو چھین رہا ہے۔لب ڈیم رہنما نے وبا کے دوران گھر گھر جاکر برقیوں کی تقسیم جاری رکھے جانے پر اپنی پارٹی کا دفاع بھی کیا ، انہوں نے مزید کہا کہ یہ ہدایت کے مطابق ہے ۔یہ پوچھے جانے پر کہ کیا حکومت کی جانب سے گھر پر رہنے کی ہدایات کے بعدایسا کرنا مناسب اقدام ہے ، سر ایڈ نے کہا کہ گائیڈنس میں کہا گیا ہے کہ رضاکار تنظیموں کے لئے چھوٹ ہے ، ہم نے اس پر قانونی مشورہ لیا ہے ، اور جو مشورہ ہم سب کو دیا گیاہے۔ ہمارے کونسلر اور رضاکار ہیں، انہیں ماسک پہننے کی ضرورت ہے ، انہیں معاشرتی طور پر فاصلہ رکھنے کی ضرورت ہے ، انہیں اپنے ہاتھ صاف کرنے کی ضرورت ہے۔ہم ایمیزون اور رائل میل کی طرح ہر قسم کی احتیاطی تدابیر اختیار کر رہے ہیں ۔ سر ایڈ نے گیون ولیمسن کو زندگی کے سب سے برے وزیر تعلیم قرار دیا اور حکومت سے مطالبہ کیا کہ کوویڈ ۔19 کی وجہ سے یونیورسٹی کے طلبا کو ان کی تعلیم متاثر ہونے کے باعث مالی معاوضہ دیا جائے۔جب ان سے یہ سوال کیا گیا کہ کسی بھی معاوضے کی ادائیگی کس کو کرنی ہوگی ، لب ڈیم رہنما نے کہا کہ میرے خیال میں یہ حکومت کو کرنی چاہئے۔ مجھے لگتا ہے کہ حکومت نے واقعتا یونیورسٹیوں کو نظر انداز کیاہے ، اس نے واضح طور پر اسکولوں کو نظر انداز کر دیا ۔ میرا مطلب ہے کہ یہ گیون ولیمسن کی شرمناک ناکامی ہے ، جس طرح انہوں نے ہمارے بچوں اور نوجوانوں اور طالب علموں کے لئے اس پورے بحران میں بدنظمی اختیار کی، یہی وجہ ہے کہ میں نے ان سے استعفی دینے کا مطالبہ کیا ہے۔