کراچی (جنگ نیوز) عمار کیبلز نے 21واں نیشنل سینئرز کرکٹ کپ جیت لیا۔ نیا ناظم آباد کرکٹ اسٹیڈیم میں فائنل میں حسنین حبیب سینئرز کراچی کو 3 وکٹ سے شکست ہوئی۔ ناکام ٹیم نے 9 وکٹ پر 202 رنز بنائے۔ عدنان صدیقی 51 ،احمد 33 اور فواد باری 25 رنز کے ساتھ نمایاں رہے۔ عمار کیبلز نے ہدف 7 وکٹ پر حاصل کرلیا۔ بلال خلجی نے 66اور کپتان وقاص احمد نے 54 رنز کی اننگز کھیلی۔ مہمان خصوصی فواد اعجاز خان چیئرمین پاکستان ویٹرنز کرکٹ تھے۔