لندن، اسلام آباد (صباح نیوز) صباح نیوز کے چیف ایڈیٹر شکیل احمد ترابی کے بڑے بھائی غفور احمد خان لندن میں انتقال کرگئے ،ان کی نماز جنازہ ہفتہ کے روز لند ن میں ادا کی جائے گی ، غفور احمد خا ن طویل عرصے سے علیل تھے اور اس وقت حالیہ وبا کورونا کے مرض میں مبتلاتھے اورجمعرات کو وہ اس بیماری سے لڑتے ہوئے انتقال کرگئے ۔ ان کی نمازجنازہ آج بروز ہفتہ بعد نماز ظہر الفورڈ لندن کے قبرستان گارڈن آف پیس میں ادا کی جائے گی۔ صدر آزاد کشمیر سردار مسعود خان، وزیراعظم راجہ فاروق حیدر خان ، جماعت اسلامی پاکستان کے امیر سراج الحق ، نائب امیر لیاقت بلوچ ، سیکریٹری جنرل امیرالعظیم ، کشمیر جماعت کے امیر ڈاکٹر خالد محمود ، سابق امراء عبدالرشید ترابی ، اعجاز افضل خان، تحریک کشمیر برطانیہ کے صدر فہیم کیانی ، یورپ کے صدر محمد غالب ، دیگر سیاسی جماعتوں ، صحافیوں اور زندگی کے مختلف طبقات سے تعلق رکھنے والے لوگوں نے مرحوم کے لئے دعا مغفرت اور شکیل ترابی سمیت دیگر پسماندگان سے اظہار تعزیت کیا ہے۔