پیپلز پارٹی کے سینئر رہنما اور سابق چیئرمین سینیٹ سینیٹر رضا ربانی نے کہا ہے کہ عالمی مالیاتی ادارے ( آئی ایم ایف ) اور حکومت کے معاہدے کا کسی کو بھی علم نہیں ہے۔
میڈیا سے گفتگو میں رضا ربانی نے کہاکہ ہم پاکستان میں آئی ایم ایف یا کسی اور ملک کا ایجنڈا نہیں چلنے دیں گے۔
انہوں نے کہاکہ کورونا وائرس کے دوران پی ٹی آئی حکومت نے بڑے سرمایہ داروں اور اپنے حواریوں کو این آر او دیا۔
رضا ربانی نے مزید کہاکہ وزیراعظم عمران خان نے تعمیراتی صنعت کو این آر او دیا جبکہ بڑے سرمایہ داروں کو بھی ہر قسم کی سہولت دی جارہی ہے۔
اُن کا کہنا تھاکہ تمام اداروں کی نجکاری کی جارہی ہے، پٹرول کے بعد بجلی کی قیمتوں میں اضافہ کردیا گیا، جس سے مہنگائی میں اضافہ ہوگا۔