متحدہ عرب امارات کی وزارت صحت نے یکم فروری تک کورونا وائرس کی صورتحال سے متعلق بیان میں کہا ہے کہ امارات میں 24 گھنٹوں میں 1 لاکھ 27 ہزار 572 کورونا ٹیسٹ کئے گئے۔
عرب میڈیا کے مطابق وزارت صحت نے بتایا کہ متحدہ عرب امارات میں 24 گھنٹوں میں 2 ہزار 730 نئے کورونا مریضوں کی تشخیص ہوئی۔ جس کے بعد کورونا مریضوں کی تعداد 3 لاکھ 6 ہزار 339 ہوگئی۔
متحدہ عرب امارات میں گزشتہ 24 گھنٹوں میں 9 کورونا مریضوں کا انتقال ہوا۔ اس طرح ملک میں کورونا وائرس سے ہونے والی اموات کی تعداد 859 ہوگئی۔
وزارت صحت کے مطابق گزشتہ 24 گھنٹوں میں 4 ہزار 452 مریض صحتیاب ہوئے۔ جس کے بعد کورونا سےصحتیاب افراد کی تعداد 2 لاکھ 81 ہزار 410 ہوگئی۔