ڈراموں اور فلموں میں اپنی شاندار اداکاری سے مداحوں کے دل میں اپنا گھر بنانے والی اداکارہ ماہرہ خان نے ایک نئے راز سے پردہ اٹھادیا ہے۔
سماجی رابطے کی ویب سائٹ انسٹا گرام پر ماہرہ خان نے آج مداحوں کے لیے ایک بولڈ تصویر کے ساتھ اپنے گھر کا پتا بھی شیئر کردیا۔
ماہرہ خان اپنی خوبصورتی کے ساتھ مداحوں کا دل جیتنے کا ہنر شروع سے ہی جانتی ہیں، جس کا اظہار انہوں نے آج کی پوسٹ میں بھی کیا۔
انہوں نے خوبصورت منظر پر مبنی تصویر کے ساتھ مداحوں کے سامنے اپنے گھر سے متعلق شعری انداز میں بات کی۔
خوبرو اداکارہ نے دراصل اپنے جذبات کے اظہار کے لیے خوبصورت منظر کے ساتھ ساتھ نامور لکھاری امریتا پریتم کی آپ بیتی ’رسیدی ٹکٹ‘ میں دیے گئے پیغام کا سہارا بھی لیا۔
انہوں نے تصویر کے ساتھ لکھا کہ ’جہاں بھی آزاد روح کی جھلک پڑے، سمجھ جانا وہی میرا گھر ہے‘۔