پاکستانی ڈرامہ انڈسٹری کے منجھے ہوئے اداکار عمران اشرف کی جانب سے اپنی اہلیہ کو ملکہ قرار دے دیا گیا ہے۔
پاکستانی شائقین کے دلوں میں اپنی جاندار اداکاری سے گھر کرنے والے عمران اشرف نے سوشل میڈیا پر اہلیہ کے ہمراہ تصویر شیئر کرتے ہوئے اُنہیں سالگرہ کی مبارکباد دی ہے۔
عمران اشرف نے اہلیہ کرن اشفاق کو سالگرہ کی مبارکباد دیتے ہوئے تصویر کے کیپشن میں لکھا ہے کہ ’سالگرہ مبارک کوئین،‘ جس پر اُن کی اہلیہ کی جانب سے کمنٹ کرتے ہوئے خوب سُرخ رنگ کے دل کے ایموجی بنائے گئے ہیں۔
واضح رہے کہ عمران اشرف کی اہلیہ کرن اشفاق حسین ڈار بھی پیشے کے لحاظ سے ماڈل ہیں۔