وزارت خزانہ کے ذرائع نے بتایا ہے کہ متحدہ عرب امارات نے پاکستان سے ایک ارب ڈالر قرض کی واپسی کا تقاضا نہیں کیا۔
پاکستان نے متحدہ عرب امارات کو ایک ارب ڈالر قرض گزشتہ ہفتے واپس کرنا تھا، متحدہ ارب امارات سے ایک ارب ڈالر رول اوور کرنے کے لئے مذاکرات جاری ہیں۔ آئندہ ہفتے اس سلسلے میں مثبت پیش رفت کی توقع ہے۔
ذرائع کا کہنا ہے کہ پاکستان کو اپنے غیر ملکی زر مبادلہ کے ذخائر بہتر رکھنے کے لئے اس رقم کی اشد ضرورت ہے، گزشتہ ہفتے یو اے ای کی طرف سے رقم واپسی کا تقاضا نہ ہونےکا مطلب ہے پاکستان کو یہ ادائیگی نہیں کرنا پڑے گی۔
ذرائع وزارت خارجہ نے کہا کہ یواے ای سے اس سلسلے میں رابطے میں ہیں، اس مرحلے پر تفصیلات جاری نہیں کی جا سکتیں۔