فلم اسٹار و پروڈیوسر میرا نے پاگل خانے جانے کی خبروں کے بعد اب مداحوں کے لیے اب بہت جلد کچھ نیا لانے کا اعلان کردیا ہے۔
اس ضمن میں اداکارہ میرا نے سوشل میڈیا سائٹ انسٹاگرام پر اپنی کچھ نئی تصویریں شیئر کیں جن میں اُن کے ہمراہ اداکار ہمایوں سعید، پروڈیوسر ثمینہ ہمایوں اور ندیم بیگ کو بھی دیکھا جاسکتا ہے۔
انسٹاگرام پر شیئر کی گئی تصویر کسی نئے پراجیکٹ کے سیٹ پر لی گئی ہے۔
میرا نے تصویریں شیئر کرتے ہوئے کیپشن میں لکھا کہ ’بہت جلد آرہا ہے۔‘
اداکارہ نے مداحوں کو اس بارے میں کچھ نہیں بتایا کہ وہ کس پراجیکٹ پر کام کررہی ہیں تاہم میرا کی اس پوسٹ نے اُن کے مداحوں کو کشمکش میں مبتلا کردیا ہے۔
مداح پوسٹ دیکھنے کے بعد یہ سوچنے پر مجبور ہوگئے ہیں کہ آخر میرا اور ہمایوں سعید ایک ساتھ کس پراجیکٹ میں ہوں گے۔
واضح رہے کہ گزشتہ دنوں سے میرا کی والدہ کا حوالہ دے کر یہ خبریں زیرگردش تھیں کہ میرا کو لندن میں پاگل خانے میں داخل کروادیا گیا ہے، میرا نے عمران عباس کے ذریعے ان تمام خبروں کی تردید کی۔
اداکار عمران عباس نے میرا سے متعلق زیر گردش خبروں پر ایک طویل پوسٹ کے ذریعے ردعمل دیتے ہوئے کہا کہ میرا نے مجھے فون کر کے تمام میڈیا اور سوشل میڈیا پر یہ واضح کرنے کیلئے کہا ہے کہ وہ بالکل صحتمند ہیں اور ان کی ذہنی حالت بھی ٹھیک ہے۔