اسلام آباد (اے پی پی)رواں مالی سال کے دوران آٹو پارٹس اور اسیسریز کی برآمدات میں 5.81 فیصد اضافہ ہواہے۔ ادارہ برائے شماریات پاکستان ( پی بی ایس) کی رپورٹ کے مطابق جاری مالی سال میں جولائی تا فروری 21-2020 کے دوران برآمدات کا حجم ایک کروڑ 25 لاکھ 18 ہزار ڈالر تک بڑھ گیا جبکہ گزشتہ مالی سال میں جولائی تا فروری 20-2019 کے دوران آٹو پارٹس اور اسیسریز کی برآمدات ایک کروڑ 18 لاکھ 30 ہزار رہی تھیں ۔ اس طرح گزشتہ مالی سال کے مقابلہ میں رواں مالی سال کے دوران آٹو پارٹس اوراسیسریز کی قومی برآمدات میں 68 لاکھ 8 ہزار ڈالر یعنی 5.81 فیصد اضافہ ہوا ہے۔