راولپنڈی(سٹاف رپورٹر) سٹی پولیس آفیسر محمد احسن یونس نے رات گئے شہرکے مختلف علاقوں کا دورہ کیا ۔ اس موقع پر ایس ایس پی آپریشنزشعیب محمود بھی ان کے ہمراہ تھے ۔ سی پی او نے راولپنڈی کے تمام میٹرو سٹیشنز پر گئے ، جہاں انہوں نے ڈیوٹی پر موجود افسران وملازمین سے ملاقات اوربات چیت کی ۔ اس موقع پر سی پی او نے کہاکہ شہریوں کے جان ومال کی حفاظت کیلئے شب روز سرگرم عمل راولپنڈی پولیس کا ہرافسر وجوان ہمارے لیے باعث فخر ہے۔