سابق IG غلام قادر تھیبو کی درخواست فوری سماعت کیلئے منظور

April 22, 2021

سندھ ہائیکورٹ نے سابق ایڈیشنل آئی جی غلام قادر تھیبو کو ترقی نہ دینے سے متعلق درخواست فوری سماعت کیلئے منظور کرلی۔

عدالت میں غلام قادر تھیبو نے ترقی نہ ملنے کے خلاف درخواست کر رکھی تھی جس کی سماعت 19 مئی کو مقرر کی گئی ہے ۔

وکیل درخواست کاکہنا ہے کہ غلام قادر تھیبو کو ترقی کے لئے سلیکشن بورڈ نے سفارش کی تھی،اہلیت پر پورا اترنے کے باوجود ترقی نہیں دی گئی۔

غلام قادر تھیبوکے وکیل نے کہاکہ اب درخواست گزار 60 برس کی عمر میں ریٹائر ہو گئے ہیں،میرے موکل کو ترقی دے کر پینشن دی جائے۔