پاکستان سپر لیگ (پی ایس ایل) کے بقیہ میچز یو اے ای میں ہونے یا نہ ہونے کا حتمی فیصلہ آج متوقع ہے۔
ذرائع کے مطابق پی سی بی نے میچز کی میزبانی کے لئے ایمیریٹس کرکٹ بورڈ سے رابطہ کیا ہے، ایمریٹس بورڈ نے میچز کی اجازت حکومت سے لینی ہے۔
ذرائع کا کہنا ہے کہ ایمیریٹس کرکٹ بورڈ کو آج ہاں یا ناں میں جواب مل سکتا ہے، تاہم پی سی بی یو اے ای سے مثبت جواب آنے کے لیے پُر امید ہے۔
ایمیریٹس کرکٹ بورڈ سے اجازت ملنے کی صورت میں لیگ کے بقیہ میچز ابوظبی یا دبئی میں ہوں گے۔