پریمئیر لیگ: مانچسٹر یونائٹیڈ کو لیسٹر سٹی نے شکست دیدی

May 12, 2021

پریمئیر لیگ میں مانچسٹر یونائٹیڈ کو لیسٹر سٹی نے شکست دے دی، دوسری جانب لالیگا لیگ میں بارسلونا اور لیوانٹے کا میچ برابر رہا۔

پریمئیرلیگ فٹبال میں مانچسٹر یونائٹیڈ کو لیسٹر سٹی کے ہاتھوں ایک گول سے شکست کا سامنا کرنا پڑا، کھیل کے ابتدا میں ہی لیسٹرسٹی کے تھومس نے گول اسکور کر دیا۔

5 منٹ کے وقفے سے مانچسٹر یونائٹیڈ کے گرین ووڈ نے مقابلہ برابر کر دیا، لیسٹر سٹی کی جانب سے دوسرا گول 66 ویں منٹ میں ہوا اور یہ برتری کھیل کے اختتام تک قائم رہی۔

لیسٹرسٹی نے 23 سال بعد مانچسٹریونائٹیڈ کو اس کے ہوم گراؤنڈ پر شکست دی ہے۔

پوائنٹس ٹیبل پر مانچسٹر سٹی پہلے ، مانچسٹر یونائٹیڈ دوسرے جبکہ لیسٹر سٹی تیسری پوزیشن پر ہے۔

دوسری جانب اسپینش لالیگا لیگ میں بارسلونا اور لیوانٹے کے درمیان میچ تین تین گول سے برابر رہا، دلچسپ میچ میں میسی نے شاندار گول اسکور کیا۔