اٹالین اوپن کے فائنل میں ٹینس کے دو لیجنڈ سربیا کے نوواک جوکووچ اور اسپین کے رافیل نڈال مد مقابل ہوں گے۔
روم میں جاری اٹالین اوپن کے سیمی فائنل میں جوکووچ اور اٹلی کے لورینذو سونیگو کے درمیان دلچسپ مقابلہ ہوا ، پہلے سیٹ میں جوکووچ کا پلڑا بھاری رہا، سربین اسٹار نے سیٹ چھ تین سے جیت لیا ۔
دوسرے سیٹ میں لورینذو حاوی آگئے اور ٹائی بریکر پر سیٹ جیت کر مقابلہ برابر کر دیا، لیکن فیصلہ کن سیٹ میں جوکووچ نے اپنی کلاس دکھائی اور سیٹ چھ دو سے جیت کر فائنل میں جگہ بنا لی ۔
اٹالین اوپن کے فائنل میں جوکووچ کا مقابلہ رافیل نڈال سے ہوگا، نڈال نے سیمی فائنل میں امریکا کےریلی اوپیلکا کو باآسانی اسٹریٹ سیٹس میں شکست دی تھی۔