سوشل میڈیا پر ایک ہاتھی کی اپنے مہاوت کی آخری رسومات کی ادائیگی سے قبل اس کے جسد خاکی کو خراج عقیدت پیش کرنے پر مبنی ایک ویڈیو کلپ نے موقع پر موجود لوگوں سمیت انٹرنیٹ صارفین کو بھی آبدیدہ کردیا۔
اس ویڈیو کلپ میں ایک جانور کی انسان کے ساتھ محبت اور وفاداری کا اظہار دیکھ کر شاید آپ کا دل بھی بھر آئے۔
اس ہاتھی کا نام برہمدا دتن ہے اور وہ اپنے آنجہانی مہاوت پاپن اومناچیتن کے جسد خاکی کے قریب پہنچ کر اپنی سونڈ اٹھا کر عقیدت اور احترام کا اظہار کرتا ہے۔
دراصل یہ ویڈیو جنوبی بھارتی ریاست کیرالا میں مہاوت کی موت اور ہاتھی کی آمد کے موقع پر بنائی گئی، اور اسے اب تک 44 ہزار سے زائد افراد دیکھ چکے ہیں اور بڑے پیمانے پر اپنے ردعمل کا اظہار بھی کررہے ہیں۔