مانچسٹر (غلام مصطفی مغل) پاکستان نژاد ڈاکٹر عبدالحفیظ کو ملکہ برطانیہ کے ایم بی ای ایوارڈ کے لیے نامزد کر دیا گیا ہے، جس پر کمیونٹی میں مسرت کی لہر دوڑ گئی ہے۔ڈاکٹر عبدالحفیظ کی طبی اور سماجی شعبہ میں بہت خدمات ہیں، انہوں نے کورونا وائرس کے متعلق اردو میں پہلی کوویڈ گائیڈنس تیار کی تھی۔ڈاکٹر عبدالحفیظ نے لاک ڈاؤن کے دوران پاکستانی کمیونٹی کی مدد کی اور اس موذی وائرس سے متعلق رہنمائی کا فریضہ انجام دیا۔ڈاکٹر عبدالحفیظ بانی چیف ایگزیکٹو برائے ایسوسی ایشن آف پاکستانی فزیشنز اینڈ سرجن آف برطانیہ ہیں، آپ کی این ایچ ایس کے لئے خدمات اور خاص طور پر کووڈ 19 کے دوران فرنٹ لائن پر کام کو بہت سراہا گیا ہے۔ ڈاکٹر عبدالحفیظ نے کہا ہے کہ ملکہ برطانیہ کی جانب سے ایوارڈ کے لئے نامزد کرنا پوری پاکستانی کمیونٹی کے لیے باعثِ فخر سمجھتے ہیں۔ برطانیہ کے ذرائع ابلاغ نے ڈاکٹر عبدالحفیظ کو ایشین کمیونٹی کا قیمتی اثاثہ قرار دیا ہے، ڈاکٹر حفیظ اس وقت گریٹر مانچسٹر میں آل فال میڈیکل گروپ میں جی پی پارٹنر کی حیثیت سے کام کر رہے ہیں۔ آپ یونیورسٹی آف مانچسٹر میڈیکل اسکول میں کلینیکل ٹیوٹر بھی ہیں۔ آپ گذشتہ 10 سال سے جنرل میڈیکل کونسل (جی ایم سی) کے بی ایم ای ڈاکٹرز فورم کے پینل ممبر چلے آ رہے ہیں۔ انہوں نے مختلف موضوعات پر معاشرے میں صحت سے متعلق متعدد امور پر بحث مباحثے اور سیمینار منعقد کروائے ہیں۔ صحت سے متعلق امور پر تبادلہ خیال کے لئے انھیں متعدد مواقع پربین الاقوامی ٹی وی اور ریڈیو چینلز پر بھی مدعو کیا گیا ہے۔ ڈاکٹر حفیظ پبلک ہیلتھ انگلینڈ کے مہاجر ہیلتھ ٹاسک گروپ کے بھی رکن ہیں۔ آپ ایسوسی ایشن آف پاکستانی فزیشنز اینڈ سرجن آف برطانیہ کے بانی اور سی ای او ہیں۔ یہ برطانیہ میں پاکستانی ڈاکٹروں کی سب سے بڑی ممبرشپ آرگنائزیشن ہے جو 2004 میں قائم ہوئی تھی اور یہ برطانیہ میں نئے اور جونیئر ڈاکٹروں کو مدد اور رہنمائی فراہم کرتی ہے۔ ڈاکٹر حفیظ نے پاکستان کے دور دراز دیہی علاقوں میں مریضوں کو صحت کی بنیادی سہولیات کی فراہمی کے لئے تقریبا 5 سال قبل موبائل ہیلتھ یونٹ بھی قائم کیا تھا۔ ۔ان کی حکمت عملیوں نے ایک سال میں NHS کے لیے حیرت انگیز طور پر 75000 پاؤنڈز بچائے، ڈاکٹر حفیظ نے معاشی نگرانی کے ذریعہ ذہنی صحت کے مریضوں میں خود کو پہنچانے والی چوٹوں اور خودکشی کو روکنے کے لئے کمیونٹی میں خود کو نقصان پہنچانے والے رجسٹر کا آئیڈیا پیش کیا ۔ اس کو کامیابی کے ساتھ نافذ کیا گیا اور انہوں نے بہت سارے مریضوں کی مدد کی۔ انہوں نے پوری کمیونٹی کے لئے عالمی ہیپاٹائٹس سے آگاہی کے دن کا اہتمام کیا ۔ 2017 میں ان کو مقامی ہیروز میں شامل پاور 50 کی درجہ بندی میں ایک نیوز پیپر نے برطانیہ میں 6 ویں نمبر پر رکھا تھا۔ جبکہ انہیں برطانیہ کے سب سے زیادہ بااثر مسلمانوں میں سے ایک کے طور پر 2018 میں مسلم پاور 100 کی فہرست میں بھی شامل کیا گیا تھا آپ شمال مغرب میں 600 سے زیادہ اندراجات میں سے منتخب کردہ NHS انگلینڈ کے ایکسلینس ان ہیلتھ کیئر ایوارڈ 2019 کے ونر بھی تھے موجودہ کوویڈ 19 وبائی بیماری کے دوران انہوں نے برطانیہ میں ایک کورونا اردو ہیلپ لائن کا آغاز کیا اے لیول کے طلبا کے لئے ورچوئل ورک تجربے کا پروگرام مرتب کیا اور متعدد قومی COVID-19 ویکسین مہموں میں شامل کیا۔ ڈاکٹر حفیظ اپنے پیشے میں ایک حقیقی رول ماڈل ہیں،پاکستانی کمیونٹی کو بجا طور پر ان پر فخر ہے _۔