شہزادہ ہیری اگلے 24 گھنٹوں میں برطانیہ روانہ ہوں گے؟

June 22, 2021

شاہی خاندان سے علیحدگی اختیار کرنے والے شہزادہ ہیری اگلے 24 گھنٹوں کے اندر کیلیفورنیا سے برطانیہ واپسی کے لیے روانہ ہوں گے۔

بین الاقوامی خبر رساں ادارے کے مطابق، والدہ شہزادی ڈیانا کی 60 ویں سالگرہ کی تقریب میں شرکت کے لیے شہزادہ ہیری اگلے 24 گھنٹوں کے اندر کیلیفورنیا سے برطانیہ واپسی کے لیے روانہ ہوں گے۔

برطانیہ واپسی پر ہیری اپنی سابقہ رہائش گاہ فروگمور کاٹیج میں قیام کریں گے جہاں ان کی کزن شہزادی یوجین اس وقت اپنے شوہر اور بیٹے کے ساتھ مقیم ہیں ۔

رپورٹس میں انکشاف کیا گیا ہے کہ ہیری کو گھر واپس آنے کے بعد کم سے کم پانچ دن اور ممکنہ طور پر 10 دن تک قرنطینہ کرنا ہوگا۔

رپورٹ میں مزید بتایا گیا ہے کہ اس کاٹیج کو اب دو حصوں میں تقسیم کردیاگیا ہے، جس کا مطلب یہ ہے کہ ہیری اب اپنی کزن اور ان کے اہل خانہ سے کسی بھی قسم کے رابطے کے بغیر گھر کے آدھے حصے میں الگ رہ سکتے ہیں ۔

خیال رہے کہ رواں سال اپریل میں جب وہ اپنے دادا ڈیوک آف ایڈنبراشہزادہ فلپ کی آخری رسومات میں شرکت کے لیے واپس آئے تھے تو آخری لمحات میں ان کے برطانیہ میں قیام کے لیے یہ اہتمام کیا گیا تھا۔