بالی ووڈ کے شہنشاہ امیتابھ بچن نے انکشاف کیا ہے کہ فلم دیوار میں نیلے رنگ کی اس شرٹ کے ساتھ جو مثالی وجاہت نظر آئی وہ دراصل ایک ٹیلرنگ غلطی کی وجہ سے ہے۔
ماضی کی ایک پرانی تصویر اپنے سوشل میڈیا پر شیئر کرکے لیجنڈ اداکار نے مزید کہا کہ اس سپر ہٹ فلم میں جو ان کے کسرتی بدن اور اسٹائلش انداز ابھر کر نظر آیا وہ دراصل ایک غلط سلی ہوئی لمبی شرٹ کی وجہ سے ابھر کر سامنے آیا۔
انھوں نے اس حوالے بتایا کہ اس فلم میں ڈینم کی بلو شرٹ اور خاکی رنگ کی پتلون پہن رکھی تھی، جبکہ انھوں نے کاندھوں پر ایک رسی ڈال رکھی تھی۔
انکا کہنا ہے کہ دراصل یہ ایک ٹیلرنگ غلطی کا نتیجہ تھی۔ لیکن اسکے باوجود انکا یہ انداز اس عہد کے نوجوانوں کو اس قدر بھایا یہ ایک فیش کا نمونہ بن گیا تھا۔
انھوں نے سوشل میڈیا پر جو پرانی تصویر شیئر کی ہے اس کے ساتھ تحریر ہے وہ کچھ یوں ہے۔ یہ وہ دن تھے دوست، اور جو شرٹ سلی ہوئی تھی، اس کی اپنی ایک کہانی ہے۔
شوٹ کا پہلا دن تھا، اور شوٹ ریڈی تھا، کیمرہ چلنے کو تیار تھا، تو یہ پتہ چلا کہ شرٹ تو کچھ زیادہ ہی لمبی ہے اور گھٹنوں سے نیچے تک ہے۔
اس پر ڈائریکٹر نے دوسری شرٹ کا انتظار نہیں کیا اور ایک گٹھان باندھ کر کام چلایا۔